I përqafuar me të ëmën, Saimir Tahiri i jep lamtumirën e fundit të atit

I përqafuar me të ëmën dhe në pikëllim për humbjen e të atit. Janë këto pamjet e ish-ministrit të Brendshëm, Saimir Tahiri i cili ‘doli’ nga burgu për t’i dhënë lamtumirën e fundit babait të tij. Bashkim Tahiri, babai i ish-ministrit ndërroi jetë të martën. Lajmi u bë i ditur nga Tahiri, përmes një letre ku shprehte dashurinë dhe dhimbjen për humbjen e njeriut të tij të shtrenjtë.

Ish-ministri i Brendshëm përfitoi një leje prej 48 orësh dhe mundi të ishte i pranishëm në ceremoninë mortore të të atit. Ky i fundit ndërroi jetë në moshën 73-vjeçare dhe mësohet se prej vitesh vuante nga leuçemia.