Gjykata e Posaçme pritet të shpallë vendimin për inceneratorin e Elbasanit sot në orën 13:00. Për ish-ministrin e Mjedisit, Lefter Koka Spak ka kërkuar 10 vjet heqje lirie që me gjykim të shkurtuar i konvertohen në 6 vjet e 8 muaj burg. Ndërsa për vartësin e tij, ish- deputetin Alqi Bllako, organi i posaçëm i akuzës ka kërkuar 4 vjet burg, dënim i cili i konvertohet përmes me gjykimit të shkurtuar 2.8 vjet.
Të njëjtën masë denimi si për ish- ministrin, prokuroria ka kërkuar edhe për pronarët e djegësve, Klodian Zoto dhe Mirel Mërtiri.
Ndërsa për Stela Gugalljan, prokurorët Klodian Braho dhe Arben Kraja i kanë kërkuar gjykatës dënimin me 7 vjet burg që me gjykim të shkurtuar i shkojnë 4 vjet e 8 muaj.
Pretenca:
Lefter Koka 10 vite burg, gjykim i shkurtuar 6.8
Klodian Zoto 10 vite burg, gjykim i shkurtuar 6.8
Mirel Mertiti 10 me vite, gjykim i shkurtuar 6.8
Stela Gugallja 7 vite, gjykim i shkurtuar 4.8
Alqi Bllako 4 vite, gjykim i shkurtuar 2.8
Pellumb Abeshi 4 vite, gjykim i shkurtuar 2.8
Bardhyl Cabiri 4 vite, gjykim i shkurtuar 2.8
Jonida Zeqo 4 vite, gjykim i shkurtuar 2.8
Serafin Papa 4 vite, gjykim i shkurtuar 2.8
