Së fundmi kandidati i NISMA-s për kryetar të Podujevës Xhemajl Hasani ka qenë i ftuar në “Edicionin Zgjedhor në Klan Kosova, ku është pyetur se me çfarë makine lëviz dhe tepër serioz ai përgjigjet se ka një makinë modeste.
Gazetarja: Me çfarë veture vozisni zoti Hasani?
Xhemajl Hasani: Lëviz me një veturë modeste, dhuratë prej familjarëve.
Gazetarja: Çfarë është modeste për ju?
Xhemajl Hasani: Me Ferrari. (Shkaktohen të qeshura në zyrë).
Gazetarja: Ferrari, veturë modeste? (qesh)
Xhemajl Hasani: Pse?
Gazetarja: Çfarë vlere ka?
Xhemajl Hasani: 70 mijë Euro.
Gazetarja: Dhe kjo është modeste për ju, apo jo?
Xhemajl Hasani: Po si të gjithë kandidatët e tjerë.
Deklarata e Hasanit ka shkaktuar mjaft të qeshura në studio, ndërsa për të çdo gjë që tha ishte shumë normale.
Hasani menjëherë pas emisionit në llogarinë e tij në Facebook publikoi një fotografi ku shihet afër veturës “modeste”.
