Katër viktima dhe 113 raste të reja me koronavirus në Kosovë

Pinterest LinkedIn Tumblr +

Katër viktima dhe 113 raste të reja me koronavirus u konfirmuan të mërkurën në Kosovë.

Instituti Kombëtar i Shëndetësisë Publike të Kosovës tha se dy raste të vdekjes u regjistruan në Prishtinë dhe nga një rast në Kaçanik dhe Mitrovicë.

Sipas IKSHPK-së, rastet e reja pozitive rezultuan pas testimit të 1,678 mostrave.

Shifra prej 113 i bie që 6 për qind e të testuarve kanë dalë pozitivë.

Advertisement

Përqindja e rasteve pozitive është më e lartë se një ditë më parë, kur ishte 3%.

IKSHPK-ja po ashtu njoftoi se në 24-orëshin paraprak, 316 pacientë u shëruan nga koronavirusi.

Shifrat e sotme e çojnë numrin e përgjithshëm të të infektuarve në Kosovë në 106,651, të viktimave në 2,217 dhe të të shëruarve në 98,539.

Raste aktive aktualisht janë 5,895.

Advertisement

Në Kosovë, të mërkurën, nisi edhe faza e dytë e vaksinimit kundër koronavirusit, që përfshin personat 65-79 vjeç.

Po sot, Kosova siguroi mbi 38,000 doza të vaksinave nga programi Covax i Organizatës Botërore të Shëndetësisë.

Share.

Comments are closed.

Copyright © 2021 Struga.info | Privacy policy