Koronavirusi, në Athinë përllogaritet numri i të infektuarve përmes ujërave të zeza

Pinterest LinkedIn Tumblr +
Koronavirusi, në Athinë përllogaritet numri i të infektuarve përmes ujërave të zeza

Në Greqi, studiuesit kanë bërë një përllogaritje të përafërt të bartësve të virusit SARS-CoV-2 përmes ujërave të zeza. Studimi është bërë vetëm për Athinën dhe, referuar shifrave, jep një panoramë shqetësuese të situatës së të infektuarve.

Ngarkesa virale e gjetur në ujërat e zeza të Athinës tregon se mund të ketë 80 000 deri 90 000 bartës simptomatikë ose asimptomatikë të Covid-19 në zonë, tha Nikos Thomaidis, profesor i kimisë analitike në Universitetin e Athinës.

Në një intervistë për Skai TV, Thomaidis sqaroi se modeli i llogaritjes është i pasigurt për sa i përket numrave absolutë, por është i besueshëm për sa u përket ndryshimeve të vëzhguara në ujërat e zeza.

Studiuesit besojnë se ngarkesa virale mund të ulet rreth 10 ditë pas hyrjes në fuqi të masave të reja, që nisin sot.

Advertisement

Siç raporton Kathimerini, Organizata Kombëtare e Shëndetit Publik (EODY) në Greqi do të krijojë një Rrjet Kombëtar të Epidemiologjisë së Kanalizimeve, me qëllim monitorimin, regjistrimin dhe paralajmërimin e hershëm mbi përhapjen e virusit SARS-CoV-2 në komunitet.

Share.

Comments are closed.

Copyright © 2023 Struga.info | Privacy policy