Partia Demokratike do të shkojë drejt zgjedhjeve vendore të 14 majit e përçarë dhe pa rezultate pozitive.
I këtij mendimi ka qenë anëtari i Këshillit Kombëtar të PD Fatbardh Kadilli.
Në një intervistë për Vizion Plus me Roland Zilin, Kadilli akuzoi Alibeajt për paaftësi, duke iu referuar mosnxjerrjes së emrave për kandidat për kryebashkiak.
Sipas tij, ndarja në dy grupime ka qenë e qëllimtë nga të dyja krahët.
Intervista e plotë:
PD është e ndarë sot në dy pjesë por, mesa duket edhe brenda vetë grupit të Alibeajt ka një përçarje për mënyrën se si do të dilet në zgjedhje: si e shikoni ju këtë konflikt?
AdvertisementAjo çfarë po ndodh sot me grupin e Alibeajt është e papranueshme nga ana politike. Tregon një paaftësi. Nuk mundet një forcë politike të lërë në sekondat e fundit çështjen nëse do garojë apo jo me kandidat. Këta njerëz nuk meritojnë as rolin e deputetit dhe jo më kryetarë. Ku janë këto motive politike? Motivet politike janë të keq qëndrime të qarta, për një mundësi më shumë
Cila do të ishte mënyra më e mirë që dy grupet në PD të bashkepunonin, për të maksimizuar votat e opozitës?
Advertisement
Gjasat janë zero sepse asnjë nga grupet nuk do të bashkohet. Në thelb PD është ndarë që në muajin shtator 2021, ka mbajtur dy Kuvende paralele, dy grupe parlamemntare. Çdo gjë ka qenë e qëllimtë nga Berisha dhe Basha. Alibeaj bën ftesa dhe e di që sdo ketë asnjë gjë konkrete. Berisha ka kohë që ka nisur zgjedhjen e kandidatëve me procesin e priumareve
Sa shanse ka grupi i rithemelimit në kushtet kur nuk do të garojë me siglën tradicionale të PD?
Advertisement
Edhe sikur PD të bashkohej, opozita ka dalë nga misioni themeltar. Sot qytetarët nuk besojnë më te kjo opozitë dhe rezultati do jetë i ulët edhe sikur të bashkohen. Opozita është e përçarë, më e përçarë se asnjë herë më parë.
