EFROSINA PAPA – GAZETARE E VIZION PLUS
Reshjet e vrullshme dhe me intensitet gjate 24 oreve te fundit në Vlore kanë shkaktuar jo pak pasoja. Pikerisht këtu ne zonen e Jonufrës në aksin nacional Vlore-Orikum nje masiv dherash kanë bllokuar lëvizjen e mjeteve në këtë aks.
Rruga u hap orët e vona të së enjtes pas më shumë se 6 orësh punë nga autoritetet vendore. Por pavarësisht ndërrhyjes, një krah i këtij segmentin vazhdon të jetë i bllokuar.
Ndërkohë lëvizja e mjeteve bëhet me vështriësi pasi në rrugë ka prezencë të madhe të baltës.
Banorë të zonës, thonë se shkak për rrëzimin e masivit të dheut u bënë mbetjet inerte te hedhura në malin e Shashicës nga kompanitë që po kryejnë punimet për By-Passin.
Nga rrëshqitja fatmirësisht nuk pati persona të lënduar, ndërsa u shkaktuan dëme në disa banesa dhe biznese.
Sipas banorëve një situatë e tillë nuk është rregjistruar me pare.
