Kutit e votimit në Lushnjë dorëzohen në reshjet e dendura të shiut

Reshjet e dendura të shiut kanë krijuar pak probleme në dorëzimin e kutive të votimit dhe materialeve zgjedhore në bashkinë e Lushnjes.

Lushnja si bashki ka dy KZAZ, ato me Numrin 54 dhe 55.

Bashkia e Lushnjes kishte në total rreth 104 mijë votues, e mendohet se numri I zgjedhesve që kanë votuar është 38 mijë.

Në përqindje e llogaritur, mendohet që numri i atyre që kanë votuar në Lushnjë është 36.2%.

Në garë për Lushnjën janë Eriselda Sefa nga PS, Indrit Sefa nga PD dhe Elton Bano nga “Shtëpia e Lirisë”.

Drejtuesi Politik i PS në qarkun Fier, Taulant Balla deklaroi fitoren e Eriselda Sefës nëpërmjet një statusi në facebook pak pas mbylljes së procesit të votimit në orën 19:00.