Policia e Vlorës arrestoi dy vëllezërit Xhanelo dhe Xhoi Taraj, pasi goditën me thikë Klodian Bakian, i cili si pasojë e plagëve ndërroi jetë në spital.
Konflikti mes dy vëllezërve nga Laçi dhe 41-vjeçarit nga Tepelena nisi për shkak të parkimit të makinës. Bakia e kishte lënë mjetin e tij përpara hotelit ku punonin dy autorët e.
Ata i kërkuan viktimës që të largonte makinën e parkuar, por 41-vjeçari nuk ka pranuar. Këtu nisi dhe debati i cili degradoi në përleshje fizike. Një nga vëllezërit në këtë moment ka marrë një thikë duke e qëlluar Klodian Bakian në kraharor.
Pak orë pas krimit, policia arrestoi edhe administratorin e hotelit,Genci Mehmeti, i cili akuzohet për moskallëzim krimi.
Xhanelo dhe Xhoi Taraj ishin punësuar në Sarandë për sezonin e verës, pasi kishin lidhje familjare me administratorin. Të dy vëllezërit akuzohen për plagosje të rëndë me dashje me pasojë vdekjen dhe mbajtje të armëve të ftohta.
Ata u kapen nga policia në një garazh pallati, ku ishin fshehur menjëherë pas krimit.