Ka mbërritur këtë të martë në qytetin e Beratit baza materiale zgjedhore për zgjedhjet e 25 prillit.
Baza mbërriti nën administrimin e forcave të ushtrisë, për të garantuar sigurinë e tyre. Të parat që kanë mbërritur sot kanë qënë bazat materiale për ndarjen e hapësirave për votim dhe numërim, si dhe materialet për krijimin e hapësirave të nevojshme për marrjen e masave anti-covid.
Të enjten pritet të mbërrijnë edhe kutitë e votimit.
Qyteti i Beratit këtë vit, ndryshe nga vitet e tjera kur ka qënë vetëm një KZAZ, do të ketë dy KZAZ: në Pallatin e Kulturës “Margarita Tutulani” dhe në bibliotekën “Vexhi Buharaja”.
Advertisement
