Dy persona janë vënë në pranga nga policia e Tiranës ditën e sotme.
Babë e bir mbillnin kanabis në banesën e tyre dhe u janë sekuestruar 2 kg lëndë narkotike. Policia ben me dije se u bë arrestimi në flagrancë i 52 vjeçarit Bashkim Qefalia dhe i 23 vjeçarit Randi Qefalia.
Gjatë kontrollit të ushtruar në banesën e këtyre shtetasve, në Babrru, shërbimet e Policisë gjetën dhe sekuestruan bimë të dyshuara narkotike cannabis sativa, të mbjella në vazo, si dhe 2 kg lëndë të dyshuar narkotike cannabis sativa.
Këta shtetas, në bashkëpunim me njëri-tjetrin, pasi i kultivonin bimët narkotike në banesën e tyre, e përgatitnin lëndën narkotike në doza, të cilat i shisnin më pas në zona të ndryshme të qytetit të Tiranës.
Materialet i kaluan Prokurorisë, për veprime të mëtejshme procedurale.
