“Mënyrë efikase e ngrohjes dhe kursimit të energjisë”, Rama: Bashkia Shkodër po instalon panelet diellore në shkolla

Bashkia Shkodër ka filluar të instalojë panele diellore në institucionet e arsimit publik.

Panelet kanë filluar të instalohen fillimisht në kopshtet e më të vegjëlve. Kryeministri Rama shkruan në Facebook se kjo është një mënyrë efikase për të siguruar ngrohjen e tyre si dhe për të kursyer energji.

Edi Rama: Mirmëngjesi, dhe me lajmin e mirë se Bashkia Shkodër ka nisur të instalojë panelet diellore në institucionet e arsimit publik, duke nisur si fillim me kopshtet e më të vegjëlve, si një mënyrë efikase për ngrohjen e tyre, kursimin e energjisë, dhe mbrojtjen e mjedisit, ju uroj një ditë të bukur.