“Në shtator fluturime nga Korça”/ Filo: Aeroporti i Lumalasit do të presë avionët sportive

Aeroporti i Lumalasit brenda muajti shtator do të jëtë gati për fluturimet, duke i rikthyer ato pas 97 vitesh.

Bëhet fjalë për një piste turistike ku mund të ulen avionë sportive me kapacitet deri në 12 vende. Bashkia e Korçës ka nisur punën së bashku me Ministrinë e Mbrojtjes ku forcat ushtarake po punojnë për ndërtimin e pistës.

Synimi është që muajin tjetër këtu të ulen avionët e parë.

Aeroporti i Lumalasit do të ketë një pistë me 2.4 kilometra te gjatë dhe hapesire për qëndrimin e avionëve të vegjël. Ky aeroport pritet që të shërbejë për turizëm dhe aktivitete sportive.