Një person ka vdekur dhe 11 kanë rezultuar pozitivë me koronavirus në 24 orët e fundit në Kosovë.
Instituti Kombëtar i Shëndetësisë Publike të Kosovës bëri të ditur se rastet e reja pozitive rezultuan nga testimi i 2,660 mostrave.
Në njoftim po ashtu thuhet se në 24 orëshin paraprak, 109 pacientë janë shëruar nga koronavirusi.
Aktualisht, raste aktive janë 733.
Me këto shifra, numri i përgjithshëm i rasteve pozitive në Kosovë arrin në 107,544, i viktimave në 2,248 dhe i të shëruarve në 104,563.
Kosova ka nisur fushatën e vaksinimit kundër koronavirusit në fund të muajit mars.
Deri të enjten janë dhënë gjithsej 90,217 vaksina.
Aktualisht, në zhvillim e sipër është faza e dytë e vaksinimit, që përfshin personat e moshës 65-79 vjeç.
Faza e tretë e vaksinimit masiv është paralajmëruar se do të nisë javën e ardhshme.