Ish-zëvendës ministrja e Brendshme, Rovena Voda, do të dalë sot para Gjykatës së Posaçme kundër Korrupsionit dhe Krimit të Organizuar, ku do t’i komunikohet masa e sigurisë.
Ajo ndodhet në “arrest shtëpie”, pasi akuzohet se ka përfituar shpërblime monetare për të punësuar shtetasen Florida Beun si punonjëse në shërbimin civil.
Advertisement
Nga hetimet ka rezultuar, se ish-zv.ministrja ka zhvilluar një takim me Florida Beun dhe ndërmejtësen Majlinda Hasani në ambientet e Ministrisë së Brendshme, ku i ka dalë garant për ta futur në punë si specialiste kundrejt shumës 1000 euro.
Krahas parave, Florida Beu dyshohet se i ka bërë dhuratë Vodos dhe një arkë me peshk dhe një celular.
Advertisement
