PD denoncon qeverinë: Goditje selektive ndaj bizneseve që mbështetën PD-në

Pinterest LinkedIn Tumblr +
PD denoncon qeverinë: Goditje selektive ndaj bizneseve që mbështetën PD-në

PD thotë se lorrupsioni, klientelizmi dhe gjobat kanë përkeqësuar gjendjen e biznesit, e se shumë prej tyre ndodhen në këtë periudhë në sulm të vazhdueshëm nga qeveria si kundërshtarë politikë.

 

Sekretari për klimën e biznesit Flamur Hoxha në një deklarate për mediat shtoi se denoncimet e ardhura në Partinë Demokratike dëshmojnë për një fushatë selektive të qeverisë kundër bizneseve që u deklaruan në fushatën zgjedhore pro ndryshimit dhe dolën në krah të Partisë Demokratike.

 

Advertisement

Sot, shumë prej këtyre bizneseve po trajtohen si armiq. Përmes gjobvënies në zyrat e bashkive dhe të tatimeve, po tentohet hakmarrja me presion, nënshtrim, ose falimentim e shumë bizneseve në Tiranë dhe disa prej qyteteve kryesore të vendit. 

 

Partia Demokratike, tha Hoxha,  i bën thirrje qeverisë të ndalojë këtë praktike primitive.

 

Advertisement

Bizneset duhen lënë të qetë të punojnë mes kaq shumë vështirësive që u ka krijuar keqqeverisja e Edi Ramës. U bëjmë thirrje bizneseve ta refuzojnë presionin nga kushdo qoftë ai! Partia Demokratike do të jetë në krah të çdo sipërmarrësi që punon për të rritur ekonominë. Gjobat politike janë të papranueshme! Ato rrënojnë biznesin dhe ekonominë e vendit. Goditjet selektive, trajtimi i bizneseve si armiq dhe kundërshtarë politikë nuk e zgjidh hallin e Edi Ramës. Ai është kryeministri i një pakice të dalë nga një masakër zgjedhore, me një ekonomi në krizë, me fare pak investime të huaja dhe me besimin më të ulët historik nga bizneset. 

Share.

Comments are closed.

Copyright © 2023 Struga.info | Privacy policy