Propagandë dhe thirrje terroriste në rrjetet sociale me profile false/ Arrestohet 56-vjeçari nga Kukësi

Pinterest LinkedIn Tumblr +
Propagandë dhe thirrje terroriste në rrjetet sociale me profile false/ Arrestohet 56-vjeçari nga Kukësi

Policia ka vendosur në pranga një 56-vjeçar nga Kukësi për propagandë dhe thirrje terroriste.

 

Shtetasi i identifikuar si Ibrahim El Salih(Lekica), ishte person me prirje ekstremiste fetare dhe vepronte nëpërmjet rrjeteve sociale.

 

Advertisement

Lekica përdorte profilet false për të bërë thirrje publike e për të nxitur akte me qëllime terroriste.

 

Gjithashtu, 56-vjeçari i bënte thirrje qytetarëve, për përkrahje të luftës në Siri.

 

Advertisement

Policia e Shtetit

 

Postonte me profile false në rrjetet sociale, foto dhe shkrime nxitëse, thirrje publike dhe propagandë për kryerjen e veprave terroriste kundër disa institucioneve të rëndësishme shtetërore, identifikohet dhe vihet në pranga nga Drejtoria e Antiterrorit, 56-vjeçari nga Kukësi.   

 

Advertisement

Specialistët e Drejtorisë së Antiterrorit, në bashkëpunim me Drejtorinë Vendore të Policisë Kukës, bënë ekzekutimin e vendimit të Gjykatës së Posaçme Kundër Korrupsionit dhe Krimit të Organizuar, e cila ka caktuar për shtetasin I. S.(L.), 56 vjeç, banues në Kukës, masën e sigurisë “Arrest në burg”, si i dyshuar për kryerjen e veprës penale “Nxitja, thirrja publike dhe propaganda për kryerjen e veprave me qëllime terroriste”.  

 

Nga hetimet e kryera prej disa muajsh nga Drejtoria e Antiterrorit në Policinë e Shtetit, në bashkëpunim me Byronë Kombëtare të Hetimit (BKH) dhe SPAK-un, duke përdorur metodat proaktive, u bë i mundur identifikimi i personit që përdorte këto profile false, shtetasi I. S.(L.), person me prirje ekstremiste fetare, i cili postonte në rrjetet sociale, shkrime të ndryshme në përkrahje të ISIS. Gjithashtu, i bënte thirrje qytetarëve, për përkrahje të luftës në Siri.    

 

Advertisement

Materialet i kaluan SPAK-ut, për veprime të mëtejshme.

Share.

Comments are closed.

Copyright © 2023 Struga.info | Privacy policy