Instituti i Shëndetit Publik ka publikuar udhëzimin që duhet të ndjekin nxënësit dhe mësuesit gjatë procesit mësimor për këtë vit shkollor.
Për shkak të situatës së krijuar nga pandemia, edhe ky vit shkollor nuk do të nisë si zakonisht. Gjithashtu gjatë procesit mësimor mësuesi duhet të respektojë distancimin social.
Bankat e nxënësve duhet të jenë 1.5 metra larg njëra tjetrës. Nxënësit e ciklit 9-vjeçar dhe të mesëm duhet të mbajnë maskë në ambientet e brendshme.
Në udhëzim përmendet edhe vaksinimi i mësuesve, proces që duhet të jetë kryer deri me datë 30 shtator. Nëse mësuesit nuk vaksinohen pas 30 shtatorit duhet të paraqesin arsyetimin nga mjeku.
Deri më 30 shtator, injektimin duhet ta marrin edhe personeli që shërben në shkolla, sanitaret dhe rojet.
