Rozeta dhe Havier Dobi “pastruan” mijëra euro në shtëpinë e zyrtares/ Rama: Të hetohen deri në fund paratë e pista

Pinterest LinkedIn Tumblr +
Rozeta dhe Havier Dobi “pastruan” mijëra euro në shtëpinë e zyrtares/ Rama: Të hetohen deri në fund paratë e pista

“Pastrimi” i mijëra eurove nga Rozeta dhe Havier Dobi në shtëpinë e ish-shefe kabineti e ish-zëvendëskryeministrit Arben Ahmetaj, Alda Klosi ka sjellë reagimin e kryeministrit Edi Rama.

 

Në një postim në Twitter, Rama ka deklaruar se duhet tu shkohet deri në fund hetimeve dhe forca e ligjit duhet të mos ndalojë përpara askujt, kur faktet provojnë se është shkelur ligji për përfitime të paligjshme.

 

Advertisement

Kreu i qeverisë ka shtuar se kjo ka qenë edhe arsyeja e Reformës në Drejtësi dhe se mburoja e vjetër politike për të tilla raste ka rënë.

 

Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin! Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit!

 

Advertisement

E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!

 

Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë”, shkruan Rama.

Advertisement
Share.

Comments are closed.

Copyright © 2023 Struga.info | Privacy policy