Greqia planifikon që të shtrëngojë akoma më shumë masat për qytetarët e pavaksinuar me vaksinën Covid-19.
Zv/ministrja greke e Shëndetësisë ka thënë për një radio në Athinë se mundësia për të forcuar masat është e hapur. Dhe kjo pritet të vendoset të mërkurën kur do të mbahet mbledhja e Komitetit Teknik.
Ajo tha se ekziston mundësia që të kryhen më shumë teste nga qytetarët e pavaksinuar në mënyrë që të lëvizin. Gjithashtu, mund të kërkohet që në mjetet e transportit publik të përdoret maskë e dyfishtë.
Shtrëngimi i masave pritet që të fillojë nga Selaniku dhe veriu i Greqisë ku situata me numrin e të infektuarve paraqitet më e rëndë.
E pyetur nga gazetarët, zv/ministrja greke tha gjithashtu se nuk ka asnjë tregues që vaksina ndikon në aftësinë për të pasur fëmijë.
