Edhe pse kryeministri Rama dhe drejtori Përgjithshëm i Policisë, Muhamet Rrumbullaku, premtuan në shtator largimin e policëve nga akset kombëtare, për shefin e qarkullimit rrugor, kjo gjë duket se është e pamundur.
Në një aktivitet për viktimat e aksidenteve, drejtori Altin Qato u shpreh kritik për gjendjen e infrastrukturës, duke thënë se shumë akse nuk i kanë parametrat e duhur, ndaj është e pamundur që të hiqen efektivët.
ALTIN QATO
DREJTOR I POLICISE RRUGORE
Advertisement
E kemi të qartë konceptin e largimit të policisë nga akset rrugore. Ne kemi shumë akse rrugore kombëtare, por edhe rurale që jo të gjitha i kanë parametrat në nivelin ku ne të heqim punonjësit e policisë totalisht nga këto akse rrugore. ka disa mangësi dhe të meta që janë burim ose i kthejnë në njolla të zeza siç i quajnë ne. Prandaj kemi futur filozofinë e përdorimit të teknologjisë në rrugë me idenë që ne të kostatojmë shkeljen, por mos të ndalojmë dhe të pengojmë qytetarin.
Drejtori i Transportit Rrugor Blendi Gonxhe tha se për 2022 kemi një ulje të theksuar të aksidenteve dhe të viktimave.
BLENDI GONXHE
DREJTOR I DPSHTRR
Në vitin 2022 kemi 19% më pak viktima nga aksidentet rrugore . Kemi gjithmonë e më pak aksidente nga të sapopatentuarit. Më pak aksidente me pasoja në krahasim me vitin e shkuar.
Advertisement
Në total për 10 muajt e këtij viti janë shënuar 968 aksidente me 134 humbje jete.