Shpërthim me lëndë plasëse në një dyqan rrobash në Durrës

Një qepeni të një dyqani në Durrës i është vënë tritoli gjatë natës.

Për pasojë janë shkaktuar vetëm dëme të vogla materiale.

Durrës/Informacion paraprak

Advertisement

Në orët e para të mëngjesit, në lagjen nr. 7, Durrës, në qepenin e një butiku në pronësi të shtetases J. K., ka shpërthyer një sasi e vogël, e dyshuar lënde plasëse. Për pasojë, janë shkaktuar dëme të vogla materiale.

Në ambientet e Komisariatit të Policisë Durrës janë shoqëruar disa shtetas dhe vijon puna intensive nga grupi hetimor, nën drejtimin e Prokurorisë, për sqarimin e rrethanave të ngjarjes, identifikimin dhe kapjen e autorit/ëve.