Një shpërthim tritoli është regjistruar në orët e para të mëngjesit të kësaj të enjte në Shkodër.
Policia njofton se ngjarja ka ndodhur në lagjen ‘’10 Korriku’’, në rrugën e ‘’Karahases’’, ku lënda plasëse është hedhur në derën e garazhit të 52-vjeçarit me iniciale A.U.
Nga shpërthimi janë shkaktuar vetëm dëme materiale, ndërsa policia po punon për identifikimin dhe kapjen e autorëve.
Në lagjen ‘’10 Korriku’’, në rrugën e ‘’Karahases’’, në orët e para të mëngjesit, në pjesën e jashtme të garazhit(te dera), në pronësi të shtetasit A. U., 52 vjeç, dyshohet se është hedhur një sasi e vogël lëndë plasëse, duke shkaktuar vetëm dëme të vogla materiale.
AdvertisementGrupi hetimor ndodhet në vendngjarje dhe vijon punën për zbardhjen e rrethanave të ngjarjes si dhe identifikimin dhe kapjen e autorit/ve.
