Qytetarët e Bulqizës po blejnë me çmim më të shtrenjtë drutë e zjarrit këtë vit për t’i përdorur gjatë periudhës së dimrit.
Në tregun e “zi” qytetarët e blejnë deri në 5000 lekë të reja një metër kub.
Ata shprehen se drutë e zjarrit që shet bashkia janë në sasi shumë më të vogël se ajo që marrin në rrugë të tjera.
Rritja e paralajmëruar e energjisë elektrike ka bërë që banorët të dyfishojnë sasinë edhe pse qeveria është shprehur se do të kompensojë familjet e varfra nga kjo rritje.
Bulqiza është ndër zonat më të ftohta të verilindjes dhe mënyra më e mirë për të kaluar ditët e ftohta të dimrit është përdorimi i lëndës djegëse drusore.
Por si duket, rritja e çmimit të druve këtë vit, do t’i “detyrojë” qytetarët që të kursehen me ngrohjen e tyre në ditët e acarta.
