Kryeministri Edi Rama ka publikuar një video me pamjet nga stadiumi Air Albania, si ishte vite më parë dhe si është sot.
Rama shkruan se deri para pak vitesh vendi që ishte një kalbësirë në zemër të Tiranës sot është shndërruar në një nga stadiumet më të bukur të Europës.
“MIRËMËNGJES
dhe me shpresën se ka akoma nga ju që e kujtojnë kur ju thosha se do të bëjmë një nga stadiumet më të bukur të Europës, aty ku deri para pak vitesh kishte mbetur një kalbësirë urbane në zemër të kryeqytetit, duke ju siguruar se siç u bë stadiumi i finales së sotme europiane një krenari kombëtare në Europë, do të bëhet së shpejti edhe Teatri i Ri Kombëtar, ju uroj të gjithëve ta kaloni bukur këtë ditë të shënuar sportive për të tërë Europën këtu në Tiranë”- shkruan Rama.
