Kur po bëhen 3 muaj nga nisja e aplikimit të dozës së tretë përforcuese kundër koronavirusit, të dhënat tregojnë një interes të ulët nga qytetarët.
Shifrat janë raportuar nga përfaqësuesit e programit kombëtar të vaksinimit pranë ISHP.
“Mosha 18 deri në 24 vjeç që ishte target grupi më hezitues për t’u vaksinuar, tashmë është imunizuar në masën 27% me dy doza, dhe motiv mund të jetë qarkullimi i omikron“, shprehet Iria Preza, nga programi Kombëtar i Vaksinimit.
Interes të lartë, kryesisht të moshuarit, kanë treguar për vaksinimin ndaj gripit stinor.
Apeli për vaksinim shkon për gratë shtatzëna, që të marrin dozën e pfizer, pasi ‘Omicron’ tashmë po qarkullon në masë. Ndërsa shifra thuajse të papërfillshme shënohen te vaksinimi i fëmijëve me probleme me imunitetin.
