Presidenti i Serbisë, Aleksandar Vuçiç, ka shprehur edhe njëherë qëndrimin e tij se nuk do të ketë njohje të Kosovës deri në zgjedhjet e vitit 2022!
Në një intervistë për “Veçernje Novosti” ai deklaron: “Nuk e di se çfarë do të duhej të ndodhte që kjo të ndryshonte. Ne kemi dhënë gjithçka nga vetja.
Kemi bërë një politikë të mençur, i kemi ruajtur serbët nga konfliktet. Duke mos bërë heroin, ne kemi ruajtur jetët e serbëve në Kosovë.
Kemi investuar në qëndrimin e tyre. I njoh 1000 njerëz që do të dëshironin konflikt për arsye të panumërta, por kur i pyes po nëse vëllai yt do të kthehej në arkivol, atëherë mendojnë ndryshe”, ka thënë Vuçiç.
Presidenti serb është ndalur edhe në çështjen e Kosovës, duke u shprehur se me shqiptarët është e vështirë të diskutohet sepse nuk i mbajnë premtimet dhe i ndryshojnë qëndrimet.
Po ashtu ka thënë se pret që për Serbinë të rritet presioni pas fitores së demokratit Joe Biden në zgjedhjet në SHBA.
