40 vjeçari me iniciale A.S ka rënë në prangat e policisë, tasi tentoi të digjte një lokal në lagjen “Apollonia” në Fier.
Policia bën me dije se 40 vjeçari, për motive të dobëta, gjatë mesnatës ka hedhur lëndë djegëse në ambientin e jashtëm të biznesit dhe më pas i ka vënë flakën.
Si pasojë e përhapjes së flakëve është djegur pjesa hyrëse e këtij lokali, ndërsa forcat zjarrëfikëse arritën të vënë nën kontroll zjarrin.
Fier
AdvertisementTentoi të digjte me lëndë djegëse, një lokal, për motive të dobëta, Policia identifikon dhe vë në pranga autorin.
Shërbimet e Policisë, pas marrjes së njoftimit se në lagjen “Apollonia”, Fier, kishte rënë zjarr në lokalin në pronësi të shtetasit S. M., kanë shkuar mënjëherë në vendin e ngjarjes, së bashku me shërbimet zjarrfikëse, të cilat bënë të mundur fikjen e zjarrit.
AdvertisementNë vijim të veprimeve hetimore të kryera nga shërbimet e Policisë, është identifikuar autori i dyshuar i kësaj ngarjeje, shtetasi A. S.
Ky shtetas dyshohet se për motive të dobëta, ka hedhur pas mesnate, një sasi të vogël lënde djegëse, në lokalin e shtetasit S. M., dhe e ka ndezur atë. Si pasojë e përhapjes së flakëve është djegur pjesa hyrëse e këtij lokali.
AdvertisementNë përfundim të veprimeve, specialistët për Hetimin e Krimeve të Komisariatit të Policisë Fier arrestuan shtetasin A. S., 40 vjeç, banues në Fier, për veprën penale “Shkatërrimi i pronës me zjarr”.
Materialet do t’i kalojnë Prokurorisë, për veprime të mëtejshme procedurale.
