Tentuan të grabisnin me armë biznesmenin në Lushnjë/ Kapet njëri prej autorëve, në kërkim bashkëpunëtorët (EMRI)

Pinterest LinkedIn Tumblr +
Tentuan të grabisnin me armë biznesmenin në Lushnjë/ Kapet njëri prej autorëve, në kërkim bashkëpunëtorët (EMRI)

Policia e Lushnjës ka vënë në pranga 66-vjeçarin Bukurosh Mukja, i cili ishte shpallur në kërkim për tentativë vjedhje me armë në një biznes.

 

Mukja, i cili është nga Elbasani kishte planifikuar një vjedhje në Lushnje, së bashku me dy persona të tjerë, të cilët në tentativë për tu larguar rrezikuan edhe jetën e efektivëve të policisë.

 

Advertisement

Ai akuzohet për veprat penale “Prodhimi dhe mbajtja pa leje e armëve dhe municionit luftarak”, “Mosbindja ndaj urdhrit të punonjësit të policisë së rendit publik” dhe “Falsifikimi i vulave, stampave ose i formularëve”.

 

Ndërkohë që vijon puna për kapjen e dy personave të tjerë.

 

Advertisement

Lushnjë/Vijon operacioni policor i koduar “Parandalimi”.

 

Gjatë kontrollit të zonës dhe ndjekjes së autorëve, lokalizohet dhe kapet në Elbasan, njëri nga autorët e shpallur në kërkim në kuadër të operacionit “Parandalimi”, i zhvilluar ditën e djeshme, për parandalimin e një vjedhjeje me armë zjarri.

 

Advertisement

Vihet në pranga 66-vjeçari (drejtuesi i automjetit), i cili u largua bashkë me 2 autorët e tjerë.

 

Në vijim të operacionit policor të koduar “Parandalimi”, shërbimet e Policisë kanë vijuar ndjekjen e autorëve dhe krehjen e zonës, me qëllim kapjen e tyre. Si rezultat i koordinimit mes Policisë së Lushnjës dhe asaj të Elbasanit, u bë i mundur lokalizimi i njërit prej autorëve të shpallur në kërkim në kuadër të operacionit.

 

Advertisement

Shërbimet e Policisë së Elbasanit, në bashkëpunim me ato të Lushnjës, kapën në lagjen “Kala” të qytetit Elbasan, njërin prej autorëve, konkretisht shtetasin B. M., 66 vjeç, banues në Elbasan, i cili ishte shpallur në kërkim në kuadër të operacionit “Parandalimi”, për veprat penale “Prodhimi dhe mbajtja pa leje e armëve dhe municionit luftarak”, “Mosbindja ndaj urdhrit të punonjësit të policisë së rendit publik” dhe “Falsifikimi i vulave, stampave ose i formularëve”.

 

Shtetasi B. M. dhe 2 shtetasit e tjerë të shpallur në kërkim, R. Ç dhe F. T., kishin planifikuar vjedhje me armë në Lushnjë, por falë inteligjencës informative, Policia e Lushnjës ka mundur të parandalojë vjedhjen me armë.

 

Advertisement

Të tre këta shtetas, kur janë lokalizuar nga punonjësit e Policisë, nuk i janë bindur urdhrit të tyre për të ndaluar, por janë larguar me shpejtësi me një automjet tip “Benz” me targa të falsifikuara, duke rrezikuar jetën e punonjësve të Policisë që ishin në operacion.

 

Vijon puna intensive për kapjen dhe vënien para përgjegjësisë ligjore të 2 autorëve të tjerë të shpallur në kërkim.

Advertisement
Share.

Comments are closed.

Copyright © 2022 Struga.info | Privacy policy