Vizita e Yuri Kim në selinë rozë/ Gjiknuri jep detaje: Diskutuam për zgjedhjet vendore

Pinterest LinkedIn Tumblr +
Vizita e Yuri Kim në selinë rozë/ Gjiknuri jep detaje: Diskutuam për zgjedhjet vendore

Sekretari i Përgjithshëm i Partisë Socialiste, Damian Gjiknuri ka ndarë detaje nga vizita e kësaj të mërkure e ambsadores amerikane, Yuri Kim në selinë rozë. Gjiknuri zbulon se në fokus të bisedës ishin zgjedhjet elektorale të 14 majit dhe rekomandimet e ODIHR-it pas procesit të fundit elektoral.

 

“Pata kënaqësinë të mikprisja në selinë e Partisë Socialiste ambasadoren e Shteteve të Bashkuara të Amerikës në Tiranë zonjën Yuri Kim. Zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR-it pas procesit të fundit elektoral ishin në qendër të diskutimit”, shkruan Gjiknuri.

 

Advertisement

Sekretari i Përgjithshëm i Partisë Socialiste deklaron se ka garantuar ambasadoren amerikane për vendosmërinë e kësaj force politike në mbarëvajtjen e zgjedhjeve vendore në përpuethshmëri me rekomandimet e BE.

 

“E garantova ambasadoren për vendosmërinë e Partisë Socialiste për të kontribuar aktivisht për një proces zgjedhor në përputhje me standardet më të mira ndërkombëtare. Si gjithnjë, Shtetet e Bashkuara të Amerikës mbeten në krah të Shqipërisë në përpjekjen për të garantuar zgjedhje të lira e të ndershme”, përfundon Gjiknuri.

 

Advertisement

Ambasadorja amerikane, Yuri Kim këtë të mërkurë po takohet me liderët e partive kryesore në vend. Në prag të zgjedhjeve vendore, Yuri Kim do të vizitojë selinë blu dhe atë të Partisë së Lirisë.

Share.

Comments are closed.

Copyright © 2023 Struga.info | Privacy policy