Vjedhje në Tiranë e Shkodër/ Arrestohen 5 persona, tre prej tyre të mitur

Tre të mitur kanë rënë në prangat e policisë së Shkodrës, si autorë të 53 vjedhjeve të dokumentuara.

Në bashkëpunim me njëri-tjetrin, ata kanë vjedhur 26 motoçikleta dhe 11 biçikleta. Po ashtu ata dyshohet se janë autorë të 8 vjedhjeve me dhunë në dyqane, ku kanë grabitur aparate celulare si dhe portofola.

Në krye të grupit ishte një djalë vetëm 17 vjeç, ndërkohë që ai përdorte dy 15-vjeçarë të tjerë, të proceduar edhe më herët në gjendje të lirë për të njëjtën vepër penale.

Ndërkohë, po sot, policia në Tiranë, ka arrestuar dy persona, pasi kanë vjedhur një automjet dhe më pas e kanë shitur për pjesë këmbimi në zonën e Laprakës.