Vodhi naftë nga ekskavatori, arrestohet 35-vjeçari në Tiranë, në pranga edhe personi që e bleu

Dy persona kanë rënë në prangat e policisë së Tiranës.

Bëhet me dije se në pranga ka rënë shtetasi J. S., 35 vjeç, banues në Vorë, për veprën penale “Vjedhja” dhe P. K., 31 vjeç, banues në Vorë, për veprën penale “Përvetësimi i parave ose mallrave që rrjedhin nga vepra penale ose veprimtaria kriminale”.

Nga verifikimet e kryera ka rezultuar se shtetasi J. S., ka vjedhur rreth 172 litra karburant, nga ekskavatori i një firme ndërtimi dhe më pas ia ka shitur shtetasit P. K., i cili ishte në dijeni që karburanti që kishte blerë, ishte i vjedhur.

Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.