![Vrasësit e Behar Sofisë në gjyq, 5 të akuzuar për ekzekutimin e biznesmenit](https://www.vizionplus.tv/wp-content/uploads/2022/04/1200-630-604ccce68ea4c-762x400.jpg)
SPAK ka çuar për gjykim 5 të pandehurit për vrasjen e biznesmenit Behar Sofia.
Leonard Xhixha, Bujar Leza, Skënder Vathi, Xhuljano Visha dhe Ernejt Shyti perballen me akuzat e vrasjes me paramendim, “Armëmbajtje pa leje e prodhim armësh” si dhe grup i strukturuar kriminal”.
Bëhet fjalë për ngjarjen e ndodhur mëngjesin e 25 shkurtit të vitit të kaluar, ku mbeti i vrarë 66-vjeçari Behar Sofia në qendër të Tiranes. Ernejt Shyti, në rolin e ekzekutorit, pasi e ndoqi disa metra pranë shtëpisë së tij biznesmenin, e qëlloi me pistoletë. Ai u largua më pas nga vendngjarja me një biçikletë.
Pasi u arrestua në Mal të Zi, Shyti vendosi të bashkëpunojë me drejtësinë dhe tregoi emrat e bashkëpunëtorëve. 66-vjeçari Behar Sofia u qëllua për vdekje mëngjesin e 25 shkurtit, ndërsa dyshohet se motivet lidheshin me përplasjet për trafikun e drogës.