Faktet e reja kanë në dritë për vrasjen e 20-vjeçares Caroline Crouch nga bashkëshorti i saj 30-vjeçar në shtëpinë e tyre në Glyka Nera. Sipas mediave greke, këshilltarja e shëndetit mendor të çiftit u kërcënua me jetë nga Babis Anagnostopulos, në lidhje me atë që do të dëshmonte në Polici mbi krimin në Glyka Nera.
Telefonatat kërcënuese vlerësohet të jenë bërë ose nga vetë Babis Anagnostopulos ose nga ndonjë i njohur i tij.
Eleni Mylonopoulou konfirmoi se ajo ishte në konsultim me Policinë që nga fillimi për ato që ajo tha publikisht si dhe për kvrcënimet e marra me anë të telefonit.
“Caroline, nga ana tjetër, më tha se ndihej e bllokuar në këtë marrëdhënie, se merrej vazhdimisht me fëmijën pa ndonjë ndihmë, se nuk mund të shkonte diku vetëm pasi edhe nëse do të dilte qoftë dhe me një shoqe ai I shkonte nga pas. Në lëvizjet e saj kishte një shofer taksie specifik, një mik i Charalambos”, tha ajo në një nga dëshmitë e saj.
Ajo raporton se menjëherë pas deklaratës së saj të parë në Polici, më 13 maj, mori një telefonatë nga një i njohur i pilotit i cili e pyeti nëse ishte thirrur nga autoritetet. Pas konsultës me Policinë, ajo u përgjigj se nuk ishte thirrur dhe bëri sikur e pyeti pse duhet ta telefononin.
Thuhet gjithashtu se ai i kishte thënë asaj se ai ishte personi i vetëm që mund ta mbronte atë. Kur emri i saj u bë i njohur për media, vetë Anagnostopulos e thirri atë për ta pyetur nëse policia e kishte thirrur dhe gjoja i kishte thënë asaj se policia ishte në rrugën e duhur.
Ajo vijoi të merrte telefonata kërcënuese rreth datave 22-23 maj, nga numrat sekretë ku u kërcënua të vritej. Përveç kësaj, një bashkëpunëtore nga zyra e saj dyshohet se mori një kërcënim. Pas funeralit të Caroline dhe para shërbimit përkujtimor, piloti e kontaktoi atë dhe i kërkoi asaj të bënte një seancë për ta ndihmuar atë të menaxhonte hidhërimin e tij.
Në seancë ajo thuhet se tha se i bëri përshtypje që piloti nuk e pa direkt në sy siç kishte parë në të kaluarën, por i kishte ulur sytë dhe madje nuk përmendte Carolinën në emër.
