Një zjarr ka përfshirë sot në mëngjes një lokal në pazarin karakteristik të Gjirokastrës.
Në vendngjarje ka shkuar menjëherë PMNZH, për të bërë të mundur shuarjen e flakëve.
Paraprakisht dyshohet se zjarri ka rënë për shkak të një defekti teknik.
Mësohet se pronari i biznesit është Agron Muço.
Gjirokastër/Informacion paraprak
Rreth orës 9:15, në lagjen “Pazar i Vjetër”, Gjirokastër, në ambientet e lokalit të shtetasit A. M., 65 vjeç, banues Gjirokastër, ka marrë flakë një frigorifer. Si pasojë janë shkaktuar dëme të vogla materiale.
AdvertisementMenjëherë, në vendngjarje shkuan shërbimet e Zjarrfikëses dhe të Policisë.
Nga veprimet hetimore dyshohet se zjarri ka rënë për shkak të një defekti teknik.
Në vendngjarje ndodhet grupi hetimor, i cili po punon për zbardhjen e rrethanave të ngjarjes.
