Një studim i publikuar së fundmi në Revistën Evropiane Për Zemrën, thotë se forma e trupit të njeriut është sinjalizuesi më i mirë i sëmundjeve të zemrës.
Në krahasim me indeksin e masës trupore, që merret si njësi matëse dhe tregues i problemeve shëndetësore, forma e trupit është shpalosja më e qartë e depozitave të dhjamit.
Studimi analizoi të dhënat e 2600 grave. Gratë, trupi i të cilave ka formën e mollës, ishin tri herë më të rrezikuara nga sëmundjet kardiovaskulare në krahasim me gratë, trupi i të cilave ka formën e dardhës.
Ekspertët paralajmëruan se gratë më të shëndosha në pjesën e sipërme të trupit janë dyfish më të rrezikuara nga sëmundjet e zemrës, tensioni i lartë i gjakut apo ishemia.
Gratë, shëndeti i të cilave depozitohet më shumë në zonën e këmbëve janë 40% më pak të rrezikuara nga sëmundjet e zemrës.
Pesha trupore nuk është tregues i saktë i rreziqeve shëndetësore
Studiuesit arritën në konkluzionin se pesha trupore nuk sinjalizon qartë rreziqet shëndetësore. Kjo për arsyen se shumë gra me një peshë normale, por depozita dhjamore në zona të caktuara të trupit, janë më të rrezikuara nga sëmundjet e lartpërmendura.
Me fjalë të tjera, pesha nuk bën ndonjë ndryshim. Gjithçka vërtitet tek shpërndarja e depozitave të dhjamit dhe forma e trupit.
3 format më të përhapura trupore te femrat
Forma e orës së rërës, ku masat e ijeve dhe të bustit janë të barabarta dhe këmbët janë në proporcion me pjesën e sipërme të trupit. Ky tip i femrave jeton një jetë normale, dhe nuk është i rrezikuar në veçanti nga ndonjë sëmundje.
Forma e dardhës ka të bëjë me akumulimin e tepërt të dhjamit në zonën e ijeve dhe të kofshëve. Ekspertët thonë se gratë që kanë një trup të tillë jetojnë më gjatë.
Forma e mollës ka të bëjë me akumulimin e depozitave dhjamore në pjesën e belit. Kjo formë vërehet shumë te meshkuj, por edhe te gratë.
Njerëzit që kanë një formë të tillë trupore janë më të rrezikuar nga kanceri, diabeti i tipit 2, kolesteroli dhe sëmundjet e zemrës. /Lajmi.net/