Më shumë se një duzinë simptomash të Covid-19 janë raportuar që nga fillimi i pandemisë, përfshirë këtu kollën e thatë, ethet dhe humbje të shijes ose nuhatjes, shkruajnë mediet britanike, transmeton lajmi.net.
Por mjekët në SHBA u kanë thënë burrave që të jenë tepër vigjilentë ndaj virusit, pasi një pacient 37-vjeçar u dërgua në A&E me ënjtje dhe ‘shqetësim’ në pjesën e testikujve.
Pacienti tashmë kishte vuajtur nga shenjat më të zakonshme të Covid, një javë para se të shkonte në spital.
Mjekët nga Konsorciumi i Edukimit Shëndetësor të Shërbimeve të Uniformuara në San Antonio në Teksas thanë se virusi kishte dëmtuar spermatocitet e tij, të cilat e mbajnë spermën të shëndetshme.
Ata paralajmëruan që dëmi i shkaktuar nga Covid-19 mund të ketë ‘një ndikim në të ardhmen në pjellorinë mashkullore’.
Raporte të ngjashme të dhimbjes së testikujve tek pacientët me Covid-19 janë raportuar më parë, por nuk ka pasur ndonjë hulumtim që krijon një korrelacion të tillë. /Lajmi.net/