Një grup vullnetarësh në Mbretërinë e Bashkuar do të infektohen qëllimisht me koronavirus për atë që quhet provë laboratorike dhe mendohet të jetë studimi i parë i këtij lloji për Covid-19 në botë.
Studimit i është dhënë miratimi etik nga autoritetet shëndetësore dhe pritet të fillojë së shpejti, me rreth 90 njerëz të infektuar.
Çfarë ndodh në një provë laboratorike?
Vullnetarët vijnë në spital dhe do të kalojnë tërë kohën në një dhomë të vetme dhe kanë kontakt vetëm me personat e tjerë që do të jenë të infektuar. Ata do të marrin një sasi virusi nëpërmjet hundës dhe do të monitorohen nga spitali për dy javë e më pas do të shkojnë në shtëpi kur të jenë shëruar nga virusi. Vullnetarët do të vazhdojnë të ndiqen për një vit. Fillimisht provë laboratorike do të përqendrohen në pyetje thelbësore shkencore, të cilat është pothuajse e pamundur t’i gjesh përgjigje tani.
Si reagon imuniteti në infektimin e parë?
Kjo do të kuptohet që në momentin e parë që do të shfaqen simptoma dhe kjo do të na japë një paraqitje më të mirë të gjendjes. Vëmendja përfundimisht do të kthehet te vaksinat gjithashtu, por do të mbetet për t’u parë. Njerëzve do t’u bëhej një vaksinë Covid-19 dhe më pas, pasi të ishte krijuar imuniteti. Kjo do të ndihmojë në vlerësimin e efektivitetit të gjeneratës së ardhshme të vaksinave Covid, dhe të njëjtat teknika mund të përdoren gjithashtu për të testuar dhe hulumtuar barnat e reja ose për të zhvilluar teste për Covid.
Janë provat laboratorike më të mira se provat tradicionale?
Ekspertët kanë shpjeguar se të dyja janë efikase dhe nga ku mund të marrim informacione tepër të rëndësishme. Kryesorja është që në provat sfidë rezultatet janë më të shpejta, përfshirë këtu edhe efektivitetin e vaksinës. Kjo është për shkak se të gjithë janë të infektuar qëllimisht, ndërsa një provë e “botës reale” do të duhet të presë që njerëzit të marrin virusin në jetën e tyre të përditshme.
Po në lidhje me variantet e reja?
Për momentin, provat e sfidave janë duke përdorur për formën e virusit që po qarkullonte në vitin 2020. Sipas autoriteteve shëndetësore Britanike, do të duhen tre deri në katër muaj për të kaluar provat në një nga variantet më të reja që janë shfaqur që prej asaj kohe. Por në të ardhmen, kjo do të jetë një mënyrë e rëndësishme për të vlerësuar nëse vaksinat funksionojnë kundër varianteve të reja.
A janë të sigurt vullnetarët?
Ekspertët shpjegojnë se rreziku është i ulët por një provë e tillë nuk është plotësisht pa rrezik. Studimi është përqendruar tek të rinjtë (të moshës 18-30 vjeç) pa probleme shëndetësore, të cilët ne e dimë se nuk ka shumë të ngjarë të kenë ndonjë problem shëndetësor nga infektimi dhe ata do të monitorohen nga afër në spital.
A paguhen vullnetarët?
Studiuesit thonë se nuk “paguhen” por “kompensohen” për angazhimin në kohë. Njerëzve u jepen rreth 4,500 paund për gjatë gjithë vitit.
Ideja nuk është e re dhe kërkimet mbi vaksinat për malaries, kolera dhe gripit kanë nxitur një provë të tillë, por problem ka qenë gjithmonë etika e realizimit të një studimi të tillë.(BBC, gazeta “Si”)
