Një ditë më parë, vëllai i motrave Hadid dhe partneri i Dua Lipës, Anwar, festoi 21-vjetorin e lindjes. E në ditën e tij të veçantë, modeli i njohur mori shumë urime dhe dedikime të veçanta.
Madje këngëtarja me famë botërore u kujdes edhe njëherë që t’i tregonte botës se sa e dashuruar është me Anwar-in dhe se sa e vlerëson. Ajo zgjodhi fjalët më të bukura për partnerin e saj.
“Gëzuar ditëlindjen dashuria ime, drita ime! Me ty gjithçka është më mirë”, shkruan Dua krahas disa fotografive që ka postuar në “Instagram”, ku shfaqet së bashku me 21-vjeçarin.
Advertisement
Lipa dhe Hadid kanë një vit që janë bashkë dhe thuajse që në fillim kanë vendosur që të nisin bashkëjetesën. Madje Anwar e shoqëron Duan në çdo koncert apo event që ajo është e pranishme.
