Këngëtarja e njohur Adele është goditur nga një reagim i ashpër i fansave të cilët përballen me shifra mbi 1000 euro për ta parë atë në koncert këtë verë. Biletat më të lira për koncertet e saj të para evropiane në tetë vjet kanë qenë 280 euro secila. Deri në 270,000 njerëz kaluan orë të tëra në radhë në internet për biletat e koncertit të cilat dolën në shitje javën e kaluar.
Vendet e përballueshme që kushtojnë vetëm 60 euro në arenën e jashtme të ndërtuar në Mynih u shitën shpejt. Biletat VIP në këmbë përpara skenës, duke përfshirë hyrjen e hershme dhe një dhuratë falas, janë ende në dispozicion për 615 euro. Mamaja e dy fëmijëve, Lisa Bale, 46 vjeçe, e pa Adele për herë të parë në Wolverhampton në vitin 2011 dhe pagoi vetëm 30 dollarë për biletën e saj.
Menaxherja e ngjarjeve në Londër, Michelle Batchelor, 43 vjeç, tha: E kam parë në Madison Square Garden në Nju Jork, por shkoi shumë herë më lirë sesa fluturimi për në Mynih në gusht.
“Unë jam një nga mijëra që qëndrova në radhë për orë të tëra vetëm për të kuptuar se vendet e përballueshme ishin zhdukur dhe kishin mbetur vetëm vendet VIP. Ajo është një interpretuese e shkëlqyer, por më e lira që mund të gjeja ishte 300 euro. Nuk mund të harxhoj rrogën time e lëre më 1000 euro për vendin më të mirë. Mund të shpresojmë vetëm që çmimet të ulen nëse askush nuk i blen.”
