Një ditë më pare ishte e ftuar në studion e “Ftesë në 5”, dietologia e njohur, Blerina Bombaj. Gjatë bisedës me moderatorin Bieta Sulo, ajo zbuloi se numrin e saj të telefonin e ka publik në rrjetet sociale.
E për këtë arsye, edhe telefonatat në drejtim të saj janë të shumta. Madje në një moment, Blerina u shpreh se ka persona të panjohur që e telefonojnë në 11 të natës dhe shumica prej tyre janë meshkuj.
Dietologia shprehet se bashkëshorti ka dëshirë t’i përgjigjet këtyre telefonatave, ndërsa ajo tenton me shpejtësi që të fikë telefonin.
“Tani të gënjej kot. Nëse bie telefoni në 11 të darkës, do ta kapi ai i pari. Rrallë ndodh, por ka meshkuj që i bien telefonit, thonë ‘alo alo’, kaq. Duhet të jenë njerëz me problemet e tyre , edhe zakonisht ka qejf im shoq t’u përgjigjet dhe unë e fik direkt”, tha ajo duke qeshur.
