Që nga “Teresa”, seriali i famshëm meksikan që u transmetua në Vizion Plus, ku Sebastian Rulli dhe Angelique Boyer ishin protagonistë, dyshja ishte e destinuar për të mos u ndarë më. Prej vitesh, dy aktorët e famshëm jetojnë një histori të bukur dashurie, por rreth një muaj më parë kanë shpërthyer thashethemet se çifti është ndarë.
Por i pyetur drejtpërdrejt nga gazetarët Aeroportin Ndërkombëtar të Meksikos, aktroi Sebastián Rulli hodhi poshtë zërat.
“Nuk e di nga e kanë marrë (atë thashetheme) , nuk e di pse. Ne jemi shumë mirë dhe e kemi treguar dhe dokumetuar gjithmonë”, tha ai duke iu referuar udhëtimit të tyre të fundit nga i cili kanë publikuar edhe foto.
Ai pohoi gjithashtu se spekulimet për lidhjen e tij të dashurisë me Angelique Boyer janë diçka që të dyve nuk i intereson, pasi nuk është hera e parë që rrjetet sociale bëjnë me dije se mund të kenë krizë në lidhjen e tyre 9-vjeçare.
Edhe pse janë në lidhje shumëvjeçare, aktorët kanë zgjehdur të mos martohen.
Sipas Sebastián Rulli, nuk është e nevojshme që ata të nënshkruajnë asnjë certifikatë martese për të shijuar dashurinë e tyre, gjë që i ka vendosur si një nga çiftet më të preferuar të showbiz-it në Meksikë dhe më gjerë./vizionplus.tv
