Robert Berisha është një prej fermerëve më të spikatur të Ferma VIP. Këngëtarit dhe moderatorit nuk i mungojnë batuat dhe sensi i humorit, por edhe flirti nuk mbetet mbrapa si një ndër pikat e tij më të forta.
Afrimiteti i tij me Ditean ka qenë një ndër temat më të diskutuara ku dyshja shkëmbejnë me humor biseda dashurie. Por siç thotë Xhesika “ka diçka të vërtetë këtu”.
Edhe pse gjatë Primet të djeshëm Ditea u tregua e prerë, duke thënë qartazi se raporti i saj me Robertin është vetëm shoqëror, duket se kjo situatë nuk është pritur mirë nga e dashura e këngëtarit.
Para se të hynte në Ferma VIP, Roberti ka bërë publike lidhjen e dashurisë me modelen 23 vjeç Ana Skrel. Kjo e fundit ishte mjaft aktive me postet me Robertin, por vetëm para nisjes së reality show-t. Më pas, Roberti është zhdukur nga profili i saj në Instagram dhe modelja nuk ka bërë asnjë postim suportues.
Por duket se kjo krisje vjen vetëm nga ana e Ana Skrel, pasi Roberti e ka përmendur edhe në Ferma VIP.
“E dashura që kam momentalisht e ka emrin Ana. Kurrë s’kam pasur të dashur me emrin Ana më përpara”, ka thënë roberti kur është ngacmuar nga Albano për këngën e Nora Istrefit “Ana”./vizionplus.tv
