Carl Weathers, aktori që luajti Apollo Creed në katër filmat e parë të sagës “Rocky” së bashku me Sylvester Stallone, ka vdekur në moshën 76-vjeçare. Këtë e bëri të ditur menaxheri Matt Luber.
“Ai ndërroi jetë i qetë në gjumë”, tha familja e tij. “Ai ishte një njeri i jashtëzakonshëm që jetoi një jetë të jashtëzakonshme. Kontributet e tij në film, televizion, art dhe sport kanë lënë gjurmë të pashlyeshme ndër breza”.
Nga futbolli amerikan te “Rocky”, një ish-lojtar i futbollit amerikan, Weathers ishte bërë një yll aksioni në fund të viteve 1970 dhe në fillim të viteve 1980.
Në një karrierë 50 vjeçare ai luajti në mbi 75 filma dhe seriale televizive, por roli i tij më i famshëm ishte ai i Apollo Creed, kampion i peshave të rënda në filmin e parë Rocky në 1976.
Aktori më pas riprodhoi pjesën në “Rocky II” tre vite më vonë për një revansh me Rocky Balboa (Stallone) dhe në “Rocky III” në 1982 për të përfunduar në 1985 me filmin e katërt të serialit në të cilin vritet në ring nga pesha e rëndë ruse Ivan Drago (Dolph Lundgren).
Trashëgimia e personazhit vazhdon ende: Michael B. Jordan luan rolin e djalit të tij në serinë e filmave Creed, episodi i katërt i të cilit pritet të dalë së shpejti.
Filmografia dhe nominimi për Emmy Weathers luajti gjithashtu në disa filma aksion si “Forca 10 from Navarone” (1978), “Predator” (1987), “Action Jackson” (1988) dhe “Hurricane Smith” (1992).
Në vitin 1989 ai mori pjesë në videon e këngës së Michael Jackson “Liberian Girl”. Në vitin 2017 ai luajti prokurorin Mark Jefferies në serialin “Chicago Justice”, ndërsa në 2019 dhe 2020 luajti rolin e Greef Karga në serialin “The Mandalorian”, një spin-off i sagës Star Wars.
Për rolin ai mori edhe një nominim Emmy për aktor dytësor.
