Këngëtarja e njohur, Enca Haxhia u arrestua disa ditë më parë, pasi në ballkonin e banesës së saj u gjetën disa bimë kanabis. Po ashtu, në komisariat u shoqërua edhe i dashuri i saj, i cili u la i lirë pas disa minutash.
Ajo qëndroi në qeli vetëm 3 ditë, pasi Gjykata e Tiranës i caktuan masën “detyrim paraqitje”. Këngëtarja në deklaratën e saj tha se lëndën narkotike e kishte për përdorim vetjak.
Por kur situata duket se është qetësuar për këngëtaren, kjo e fundit ka reaguar nëpërmjet disa statuseve në “Instastory”.
Enca Haxhia fillimisht ka publikuar një zemër, në shenjë dashamirësie për mbështetësit. Më pas, ajo ka falenderuar personat që e kanë mbështetur gjatë ditëve të vështira.
“Jam shumë mirënjohëse dhe e bekuar për të gjithë suportin, komentet pozitive dhe dashurinë që kam marrë gjatë këtyre ditëve të vështira që kalova”, shprehet ajo.
Dhe për ta mbyllur, duke dalë te natyra e saj provokuese, ajo ka shpërndarë një foto, ku shkruan se njerëz të tjerë kanë qenë duke studiuar ballkonin e saj.
“Ata kanë qenë duke studiuar ballkonin tim”, shkruan këngëtarja krahas fotos.
