Performoi me flamurin serb në koncert/ Rita Ora “kritikohet” nga e ëma: Më ke bërë nervoze

Këngëtarja shqiptare me famë botërore Rita Ora së fundmi është kritikuar ashpër në rrjet pas performancës së saj me flamurin serb në trup.

Siç edhe supozohej, bëhej fjalë për një ngatërresë dhe siç deklaroi vetë këngëtarja nuk e dinte cilit shtet i përkiste flamuri.

Fjalën e saj e ka thënë edhe nëna e Ritës, Vera Ora. Ajo ka treguar se e ka qortuar Ritën duke i bërtitur e më pas i ka kërkuar falje.

‘M’fal të kom bërtit shumë por më ke bo nervoz. Mos u trullo’, është shprehur Vera, duke dëshmuar edhe një herë që është nënë tipike shqiptare.

Këngëtarja shqiptare performoi mbrëmjen e djeshme në Hungari në Festivalin e Rinisë në Szeged. Gjatë performancës, fansat i hodhën asaj një flamur serb, të cilin ajo e vendosi në krahë.