Sezon i ri zakon i vjeter. Për Manchester Cityn, por edhe për yllin e saj Erling Haland. Qytetaret e nisën mbrojtjen e titullit në startin e kampionatit anglez me një sukses bindës 3 me 0 në transferte kundër Burnley, skuadër e sapongjitur mes më të mirëve e drejtuar nga ish-kapiteni i City, Vinsent Kompani.
Të besuarit e Pep Guardioles iu falën me së shumti një super paraqitje të Erling Haland.
Norvegjezi shënoi dy gola që në duelin hapës të Premier League.Realizimi I parë erdhi shumë shpejt që në minutën e 4 kur pas një goditje nga këndi, dhe një shërbimi të Rodrit nga shtylla e dytë, bomber Haland realizoi më të majtën.
Të zotët e shtëpisë nuk qëndruan duarkryq dhe u përpoqen të frikësoninin kampionet të cilët në minutëne 21 humbën De Brojnen për shkak dëmtimi.Presingu I Burnelyt vendos në vështirësi prapavijën e miqve me Uoker, Akanxhi, Ake dhe Ljuis.Amduni dhe Foster i shkuan afer barazimit por pa ia dalë mbanë.
Për të ardhur pastaj tek kryevepra e të njëjtit personazh Erlind haland.Bjondi norvegjez sherbehet nga Alvarez në minuten e 36 dhe e dergon topin në perfeksion në cepin e djathtë të portierit vendas.100 gola në 103 ndeshje në 5 ligat më të mira evropiane për të.
Shifra impresionuese. Sa I takon pjesës së mbetur të takimit, vlen të theksohet edhe goli I trete dhe I fundit I shënuar nga Rodri në minute e 75 që vulosi një fitore jo stermunduese të Manchester City në ndeshjen që hapi sezonin e ri në Angli, ku gara për titull do të ndahet mes kampioneve në fuqi, Arsenalit, Manchester United, Chelsea dhe Liverpool.
