Në Glasgow janë bërë homazhe emocionale për Mbretëreshën Elizabeth II përpara ndeshjes së Rangers në Ligën e Kampionëve me Napolin.
Më pas, ndërsa lojtarët dolën nga tuneli, tifozët formuan një flamur të Mbretërisë së Bashkuar me një imazh të kokës së Mbretëreshës.
Përpara se skuadrat të largoheshin, një flamur shihej duke fluturuar në gjysmështizë mbi stadiumin ‘Ibrox’.
‘Ibrox’ ra në qetësi ndërsa tifozët dhe lojtarët mbajtën një minutë heshtje përpara fillimit.
Rangers kënduan gjithashtu ‘God Save the King’, pavarësisht faktit se UEFA kishte thënë se nuk duhet të luhen himne përpara ndeshjeve.
Një minutë heshtje u mbajt gjithashtu përpara ndeshjes së Ligës së Kampionëve të Manchester City me Borussia Dortmund dhe në perëndim të Londrës në Stamford Bridge, ndërsa Chelsea priste skuadrën austriake RB Salzburg.
