Qyteti I Kukësit ka një tjetër fushë të re stërvitore, një investim i Federatës Shqiptare të Futbollit në bashkëpunim me Bashkinë e Kukësit.
Presidenti i FSHF-së, Armand Duka, së bashku me Kryetarin e Bashkisë Safet Gjici,inaguruan aneksin e stadiumit “Kukës Arena”.
Në fjalën e tij numri një i futbollit shqiptar tha se prioriteti kryesor i FSHF-së është futbolli i fëmijëve dhe i vajzave.
Ndërkaq, Kryebashkiaku Gjici falënderoi Presidentin Duka për këtë bashkëpunim të vyer që po ndryshon infrastrukturën sportive të qytetit.
Me inagurimin e kësaj fushe, u shpërndanë edhe uniformat e para falas për fëmijët e qytetit të Kukësit dhe zonave veriore që luajnë futboll, e që përfitojnë kësisoj nga projekti i Federatës Shqiptare të Futbollit “Uniforma ime”.