Gëzuar ditëlindjen futbollisti më i mirë që e ka luajtur ndonjëherë këtë lojë. Ka qenë ky urimi që klubi i Barcelonës i ka bërë argjentinasit Lionel Messi për 33-vjetorin e lindjes.
Messi iu bashkua ekipit spanjoll në moshën 13-vjeçare dhe debutoi për herë të parë 4 vite më vonë. Pjesa tjetër është histori.
Klubi katalanas uroi Messi-n me një përmbledhje të 33 momenteve më të bukur dhe gjithashtu tregoi disa nga statistikat e pleshtit.
1 – I vetmi lojtar në histori që ka shënuar më shumë se 40 gola në 10 sezone radhazi.
2 – I vetmi lojtar që ka shënuar në plot 21 ndeshje rresht (33 gola)
3 – I vetmi lojtar që ka shënuar mbi 60 gola në 2 sezone radhazi
4 – Më shumë Këpucë të Arta dhe Topa të Artë se kushdo lojtar tjetër.
5 – Golashënuesi më i mirë i Argjentinës me 70 gola
